07 Medi 2006

Plant yn barod i roi cyfarwyddiadau yn y car - heb loeren

Mae’n bosib y bydd y dadleuon teuluol hynny ynglyn â chyfarwyddiadau yn y car yn mynd yn angof wrth i’n holl blant ddod yn arbenigwyr mewn daearyddiaeth.

Gall menter yr Arolwg Ordnans, sy’n darparu map rhad ac am ddim i bob plentyn 11 oed ym Mhrydain, olygu mai’r plant fydd yn rhoi’r cyfarwyddiadau o hyn allan.

Dyma’r bumed flwyddyn mae’r Arolwg Ordnans wedi trefnu bod Mapiau OS Explorer ar gael yn rhad ac am ddim i ddisgyblion, gyda mwy na 700,000 o fapiau’n cael eu dosbarthu ledled Prydain Fawr bob blwyddyn. Gellir defnyddio’r map gartref yn ogystal ag yn yr ysgol, ac erbyn diwedd cynllun eleni bydd hyd at 3.8 miliwn o blant wedi cael budd o gael eu map eu hunain i’w gadw.

Mae ysgolion ledled Cymru, Yr Alban a Lloegr sydd â disgyblion Blwyddyn 7 eisoes wedi dechrau archebu eu mapiau ar-lein yn www.ordnancesurvey/freemapsfor11yearolds.

"Dyma un o’r mentrau addysgol mwyaf o’i bath," meddai Roger Jeans, Rheolwr Addysg yr Arolwg Ordnans. "Mae ein hymchwil yn dangos bod y fenter yma wedi cael effaith bositif dros ben ar addysgu a dysgu daearyddiaeth mewn ysgolion. Pedair blynedd ers lansio cynllun mapiau rhad ac am ddim i blant 11 oed yr Arolwg Ordnans yn wreiddiol, mae nifer y disgyblion sy’n hyderus yn eu dealltwriaeth o fapiau wedi dyblu, a nifer y disgyblion sy’n mwynhau defnyddio mapiau wedi treblu."

"Rydym ni’n gobeithio y bydd y fenter yma’n arwain at genhedlaeth o blant sy’n gallu rhoi cyfarwyddiadau yr un mor fedrus ag unrhyw system mordwyo lloeren wrth ddefnyddio map yr Arolwg Ordnans."

Er mwyn manteisio ar y cynllun, rhaid i athrawon archebu ar-lein erbyn 31 Hydref 2006 ar wefan yr Arolwg Ordnans neu ffonio’r llinell gymorth ar 08456 05 05 04.

---

Chief Press Officer - Scott Sinclair

Ebost: scott.sinclair@ordnancesurvey.co.uk

Ffôn: (+44) 023 8079 2265

Senior Press Officer - Kate Kemp

Ebost: kate.kemp@ordnancesurvey.co.uk

Ffôn: (+44) 023 8079 2977

Press Officer - Paula Good

Ebost: paula.good@ordnancesurvey.co.uk

Ffôn: (+44) 023 8079 2635

Press Officer - Paul Bauchamp

Ebost: paul.beauchamp@ordnancesurvey.co.uk

Ffôn: (+44) 023 8079 2568

Press Office Co-ordinator - Pauline Hand

Ebost: pauline.hand@ordnancesurvey.co.uk

Ffôn: (+44) 023 8079 2251

Ffacs swyddfa'r wasg: (+44) 023 8030 5295